اداوي جروحك وانا كلي جروح
واهتم في جرحك وجرحي تركته
يا روح روحي روح يا روح يا روح
اقـولها مـن قلب بي.ـدك طعنتـه
كذا بدون اسباب ما ينفع تـروح
عطني سبب واحد وش اللي عملته!
ما كنت اقصر يا بعد قلب مذبوح
اللي تبيــة يجيك واللي طلبتـه
اضحك معك سوالفي ضحك ومزوح
ممشي معك جدي وش اللي فعلتـه
جيتك سكني هم والامي تفـوح
ثوب الحزن بسباب فعلك لبسته
دمعي من اسبابك على الخد مطروح
مقدر ارجـع دمعـي اللي طرحتـه
كلن درى عن علتي صرت مفضوح
واضـح على شكلي ولا شي قلتـه
ماهو صحيح اقولك روح مسموح
عطنـي سبب اهمال قلبا" ملكتـه
يعني عشاني بانيت لجلك صروح
واللي بنيت بداخلي مـا هدمتـه
لاصرت راسمني حبيبي على لوح
لاتمسح اللي فـي يدينك رسمتـه
مظلوم يا دفتر على طول مفتوح
اغرقتة بحبري ولا جيت شلتـه
خل الجروح تعيش مع شلة جروح
الله كريـم يـعالج اللي جرحتـه